ҮШ КӨРМЕ — ИННОВАЦИЯЛАРДЫҢ БІРТҰТАС СИНЕРГИЯСЫ: АЛМАТЫДА KIHE, PHARMATECH KAZAKHSTAN ЖӘНЕ VISIONCARE 2026 КӨРМЕЛЕРІ БАСТАЛДЫ

БҮГІН, 20 МАМЫР КҮНІ, АЛМАТЫ ҚАЛАСЫНДАҒЫ «АТАКЕНТ» ҚІЫО АУМАҒЫНДА ДЕНСАУЛЫҚ САҚТАУ, ФАРМАЦЕВТИКА ЖӘНЕ ОФТАЛЬМОЛОГИЯ САЛАЛАРЫНДАҒЫ БІРДЕН ҮШ МАМАНДАНДЫРЫЛҒАН ІС-ШАРАНЫҢ АШЫЛУЫ ӨТТІ — 31-ШІ ҚАЗАҚСТАНДЫҚ ХАЛЫҚАРАЛЫҚ «ДЕНСАУЛЫҚ САҚТАУ» KIHE 2026 КӨРМЕСІ, 3-ШІ ҚАЗАҚСТАНДЫҚ ХАЛЫҚАРАЛЫҚ «ФАРМАЦЕВТИКА ӨНЕРКӘСІБІНЕ АРНАЛҒАН ЖАБДЫҚТАР, ШИКІЗАТТАР ЖӘНЕ ТЕХНОЛОГИЯЛАР» PHARMATECH KAZAKHSTAN 2026 КӨРМЕСІ ЖӘНЕ 1-ШІ ҚАЗАҚСТАНДЫҚ ХАЛЫҚАРАЛЫҚ «ОПТИКА – ОПТОМЕТРИЯ – ОФТАЛЬМОЛОГИЯ» VISIONCARE 2026 КӨРМЕСІ. 

Көрме жобалары медициналық, фармацевтикалық және ғылыми қауымдастық өкілдерін, жабдықтар мен технологиялар өндірушілерін, бейінді мемлекеттік құрылымдарды, салалық қауымдастықтарды, тәжірибелі мамандар мен әлемнің түрлі елдерінен келген сарапшыларды біріктірді. 

2026 жылы көрмелерге Австралия, Беларусь, Бельгия, Германия, Дания, Египет, Үндістан, Италия, Қазақстан, Қытай, Латвия, БАӘ, Польша, Ресей, Словакия, АҚШ, Түрікменстан, Түркия, Украина, Өзбекстан, Франция, Чехия, Швейцария және Оңтүстік Кореяны қоса алғанда, 24 елден 400-ге жуық компания қатысушы болды. Беларусь, Германия, Қытай, Ресей, Өзбекстан және Чехия ұлттық экспозицияларын ұсынды. Сондай-ақ алаңда «Ресей экспорттық орталығы» Автономды коммерциялық емес ұйым, «Сделано на Ямале» Ямал-Ненец автономиялық округі, «Мәскеу экспорттық орталығы» Автономды коммерциялық емес ұйым, Рязань және Калуга облыстарының ұжымдық стендтері ұйымдастырылды. Қатысушылар қатарында Қазақстаннан 110 компания және 287 шетелдік компания бар, бұл халықаралық қатысудың жоғары деңгейін және көрмені өңірдің кәсіби медициналық қауымдастығы үшін маңыздылығын растайды. 

2026 жылғы көрме маусымының ерекшелігі — KIHE, PharmaTECH Kazakhstan және VisionCare көрмелерінің алғаш рет бірлесіп өткізілуі болды. Аталған бағыттарды біріктіру заманауи медициналық технологияларды, жабдықтарды, фармацевтикалық шешімдерді, диагностика, оңалту, офтальмология және цифрлық медицина саласындағы инновацияларды таныстыруға арналған бірыңғай кәсіби платформаны құруға мүмкіндік берді. Бірінші күннің қосымша акценті ретінде «ҚДСЖМ» Қазақстандық медициналық университетімен бірлесіп медициналық оқу орындарының студенттеріне арналған Job Fair ұйымдастырылды, ол саланың кадрлық әлеуетін дамытуға және жас мамандарды қолдауға бағытталды.  

 

Бірінші күн бағдарламасының орталық орнын денсаулық сақтау жүйесі мен фармацевтика саласын дамытудың өзекті мәселелеріне арналған Rehab Kazakhstan 2026 және Pharma Dialogue: Kazakhstan 2026 іскерлік бағдарламасының іс-шаралары иеленді. Rehab Kazakhstan 2026 аясында медициналық оңалту саласындағы сарапшыларды, клиникалар мен кәсіби қауымдастықтар өкілдерін біріктірген «Реабилитация Қазақстанның денсаулық сақтау жүйесін дамытудың жаңа векторы ретінде» атты пленарлық сессия өтті. 

Көрмелердің ресми ашылуына экспозицияның ашылуы мен іскерлік бағдарламаның басталуын айшықтаған лентаны салтанатты түрде қию рәсімі себеп болды. Бірінші күннің басты тақырыбы қазақстандық фармацевтика саласының болашағын талқылау болды. «Фармацевтикалық нарық 2026: жүйенің тұрақтылығы, локализация және реттеудің жаңа модельдері» атты пленарлық отырысқа келесі тұлғалар қатысты: 

• Гаухар Райымқұлова – Қазақстан Республикасы Денсаулық сақтау министрлігі Медициналық және фармацевтикалық бақылау комитеті төрағасының орынбасары;  

• Айгүл Телешева – ҚР ДСМ Фармацевтикалық және медициналық өнеркәсіпті дамыту департаментінің Медициналық өнеркәсіпті дамыту басқармасының басшысы; 

• Дәурен Диханбаев – «Дәрілік заттар мен медициналық бұйымдарды сараптау ұлттық орталығы» ШЖҚ РМК бас директоры – Басқарма мүшесі;  

• Нұрлыбек Асылбеков – «СК-Фармация» ЖШС Басқарма төрағасы «Мемлекеттік сатып алулар–2026: тікелей келісімшарттар, ұзақ мерзімді модельдер және сұранысты болжау нарық тұрақтылығының факторы ретінде»;  

• Нұржан Отарбаев – «Атамекен» ҚР ҰКП Фармацевтикалық, медициналық өнеркәсіп және медициналық қызметтер комитетінің төрағасы;  

• Руслан Қожахмет – «Қазақстан Республикасы фармацевтикалық өнім дистрибьюторлары қауымдастығы» ЗТБ атқарушы директоры; 

• Жібек Керімбаева – IQVIA компаниясының Қазақстан және ТМД бойынша директоры.  

Сессия модераторы ретінде м.ғ.д., профессор, ҚР ҰҒА академигі, Қазақстандық репродуктивтік медицина қауымдастығының президенті, Халықаралық репродуктология академиясының ректоры, Халықаралық фармацевтикалық өндірушілер қауымдастығының президенті Вячеслав Локшин сөз сөйледі. 

ҚР Денсаулық сақтау министрі А. А. Әлназарова құттықтау хатында: «Денсаулық сақтауды дамыту инновациялық технологияларды енгізумен, медициналық инфрақұрылымды жаңғыртумен және халықаралық ынтымақтастықты нығайтумен тығыз байланысты. Көрмелер осы міндеттерді шешуге елеулі үлес қосып, тәжірибе алмасуға, жаңа серіктестіктер орнатуға, инвестициялар тартуға және озық технологияларды практикалық денсаулық сақтау саласына енгізуге ықпал етеді. Ұсынылған технологиялар, жабдықтар мен инновациялық шешімдер медициналық инфрақұрылымды жетілдіруге, фармацевтикалық саланың әлеуетін нығайтуға, медициналық көмектің сапасын арттыруға және халықаралық стандарттарды медициналық ұйымдар қызметіне енгізуге ықпал етеді. Көрмелерге қатысу сіздер үшін жаңа кәсіби мүмкіндіктердің, перспективалы іскерлік байланыстардың және нәтижелі диалогтың көзіне айналатынына сенімдімін», – деп атап өтті. 

Диалог алаңында сарапшылар инвестициялар, ҚҚС алып тастау және нарықты цифрландыру мәселелерін талқылады. Пленарлық сессияның қорытындысы ретінде MEDIKER және International SOS компаниялары арасында стратегиялық ынтымақтастық туралы келісімге қол қою рәсімі өтті. Құжатқа «MEDIKER» ЖШС Басқарма төрағасы Анар Жұмаханова мен International SOS тобының медициналық директоры доктор Майлз Нери қол қойды. 

Бағдарламаның жалғасы ретінде «ХФЖ ағидаттарына сәйкес кешенді реабилитацияның заманауи әдістері: жаттығу терапиясынан протездеуге дейін, спорттық, операциядан кейінгі және нейромеханикалық практика» атты панельдік пікірталас өтті, онда қатысушылар қалпына келтіру медицинасына заманауи тәсілдерді, мультидисциплинарлық тәжірибелер мен инновациялық технологияларды енгізуді талқылады. «Реабилитациядағы жабдықтар мен технологиялар: клиникалық тиімділік жне емдеудің жаңа әдістері» атты кейс-сессия аясында оңалту медицинасына арналған практикалық шешімдер мен заманауи әзірлемелер таныстырылды. 

Кейінірек «Қазақстанның фармацевтикалық нарығы 2026: ҚҚС, инвестициялар, экспорт және индустриялық инфрақұрылым» атты стратегиялық сессия өтті, онда сарапшылар саланың инвестициялық әлеуетін, экспорттық мүмкіндіктерді және өндірістік инфрақұрылымды дамыту мәселелерін талқылады. Тағы бір маңызды тақырып ретінде «Цифрлық фарма 2026: басқару, ашықтық және дәрілік қамтамасыз ету» стратегиялық сессиясы аясында саланы цифрландыру мәселесі қарастырылды. 

Күні бойы көрме алаңында ALGIMED, «Гемакор», БАУФАРМ, «ЭндоЭкоМед», Yuwell, CITY PHARM, LABTECHNOLOGY, WELLGO Logistics Kazakhstan, LEORA, Endo Star және «Электронтест» компанияларының мамандандырылған семинарлары өтті, онда заманауи медициналық технологиялар, зертханалық жабдықтар, диагностика, фармацевтика және медициналық тәжірибе үшін инновациялық шешімдер таныстырылды. 

KIHE 2026, PharmaTECH Kazakhstan 2026 және VisionCare 2026 көрмелерінің алғашқы күні кәсіби қауымдастықтың жоғары деңгейдегі қызығушылығын және денсаулық сақтау саласындағы халықаралық диалогтың өзектілігін растады. Келесі күндері қатысушылар саланы дамытудың негізгі бағыттарын, инновациялық технологияларды енгізуді, медициналық көмектің сапасын арттыруды және халықаралық ынтымақтастықты кеңейтуді талқылауды жалғастырады. 

Ресми қолдауды ҚР Денсаулық сақтау министрлігі, Алматы қаласының әкімдігі, Алматы қаласы Қоғамдық денсаулық сақтау басқармасы, «СК-Фармация» ЖШС, ҚР Халықаралық фармацевтикалық өндірушілер қауымдастығы, Алматы қаласы медициналық туризм қауымдастығы, Еуразиялық медициналық қауымдастық, ҚР фармацевтикалық қызметті қолдау және дамыту қауымдастығы, Қазақ анестезиологтар және реаниматологтар қоғамы, Қазақ нейромодуляция қоғамы көрсетті. 

Іскерлік бағдарламаның стратегиялық серіктестері: Қазақстан реабилитологтары мен курортологтардың ассоциациясы, Қазақстан денсаулық сақтау менеджерлері қауымдастығы, Qaz.AI жасанды интеллектті дамыту қауымдастығы, PERSONA Clinic, KMC Group, INTERNA Clinic  

Бас медиа серіктес – 1MEDTV Kazakhstan телеарнасы