1-ШІ ҚАЗАҚСТАНДЫҚ ХАЛЫҚАРАЛЫҚ «ФАРМАЦЕВТИКАЛЫҚ ӨНЕРКӘСІБІНЕ АРНАЛҒАН ЖАБДЫҚТАР, ШИКІЗАТТАР ЖӘНЕ ТЕХНОЛОГИЯЛАР» КӨРМЕСІ
26-28 қазан 2022
Астана, Қазақстан

КӨРМЕ ТУРАЛЫ

1-ші Қазақстандық Халықаралық фармацевтика өнеркәсібіне арналған жабдықтар, шикізат және технологиялар - PharmaTECH Kazakhstan 2022 көрмесі

2022 жылғы 26-28 қазан аралығында Астанада «Iteca» қазақстандық көрме компаниясы Денсаулық сақтау министрлігі, «СК Фармация» ЖШС және салалық қауымдастықтардың қолдауымен фармацевтикалық өнеркәсіпке арналған жабдықтар, шикізат пен технологиялардың PharmaTECH Kazakhstan 2022 1-ші Қазақстандық халықаралық көрмесін ұйымдастырады.

Бүгінгі таңда отандық фармацевтика өнеркәсібі мемлекеттік қолдаудың тиімді шараларының арқасында тиімді инвестицияларға арналған үлкен әлеуетке ие. Қазақстан Республикасының Президенті Қасым-Жомарт Тоқаев «Халық бірлігі және жүйелі реформалар – елдің өркендеуінің берік негізі» атты Қазақстан халқына Жолдауында атап өткендей, бүгінгі таңда отандық өндірістің дәрілік заттары мен медициналық бұйымдарының үлесін 2025 жылға қарай 50%-ға дейін арттыру мәселесі елдің ұлттық қауіпсіздігін қамтамасыз етуде ерекше маңызға ие болып отыр.

PharmaTECH Kazakhstan көрмесі жаһандық фармацевтикалық корпорациялармен ынтымақтастықты жолға қоюға, Қазақстанда фармацевтикалық өндірісті дамытуға инвестициялар тартуға, отандық фармацевтикалық өнімнің экспорттық әлеуетін ұлғайтуға, ғылыми және кадрлық әлеуетті өсіруге, отандық өндірушілермен оффтейк-келісімшарттардың көлемі мен номенклатурасын кеңейтуге ықпал ететін болады.

Көрменің бөлімдері фармацевтикалық өндірістің жобаны әзірлеуден және жабдықтарды жеткізуден бастап шикізатпен қамтамасыз етуге, дайын өнімдерді буып-түюге және тасымалдауға дейінгі бүкіл процесін қамтиды.

Көрмеге қатысуға фармацевтикалық кәсіпорындар үшін кешенді шешімдер ұсынатын отандық және шетелдік компаниялар; буып-түю және таңбалау жабдықтарын, шикізат пен ингредиенттерді өндірушілер мен жеткізушілер шақырылды.