KIHE 2026, PHARMATECH KAZAKHSTAN 2026 ЖӘНЕ VISIONCARE 2026: ИННОВАЦИЯЛАР, ТЕХНОЛОГИЯЛАР ЖӘНЕ КӘСІБИ ДИАЛОГТЫҢ БІРЫҢҒАЙ КЕҢІСТІГІ

2026 ЖЫЛҒЫ 20–22 МАМЫР АРАЛЫҒЫНДА АЛМАТЫ ҚАЛАСЫНДАҒЫ «АТАКЕНТ» ҚІЫО АУМАҒЫНДА МЕДИЦИНА, ФАРМАЦЕВТИКА ЖӘНЕ ОФТАЛЬМОЛОГИЯ САЛАЛАРЫНДАҒЫ ОРТАЛЫҚ АЗИЯНЫҢ ІРІ САЛАЛЫҚ ІС-ШАРАЛАРЫ — 31-ШІ ҚАЗАҚСТАНДЫҚ ХАЛЫҚАРАЛЫҚ «ДЕНСАУЛЫҚ САҚТАУ» KIHE 2026 КӨРМЕСІ, 3-ШІ ҚАЗАҚСТАНДЫҚ ХАЛЫҚАРАЛЫҚ «ФАРМАЦЕВТИКА ӨНЕРКӘСІБІНЕ АРНАЛҒАН ЖАБДЫҚТАР, ШИКІЗАТТАР ЖӘНЕ ТЕХНОЛОГИЯЛАР» PHARMATECH KAZAKHSTAN 2026 КӨРМЕСІ ЖӘНЕ 1-ШІ ҚАЗАҚСТАНДЫҚ ХАЛЫҚАРАЛЫҚ «ОПТИКА – ОПТОМЕТРИЯ – ОФТАЛЬМОЛОГИЯ» VISIONCARE 2026 КӨРМЕСІ ӨТЕДІ.

Алғаш рет үш мамандандырылған көрме алаңы бірыңғай іскерлік және көрме кеңістігінде біріктіріліп, тәжірибе алмасуға, инновациялық шешімдерді таныстыруға және денсаулық сақтау саласындағы халықаралық ынтымақтастықты нығайтуға арналған ауқымды кәсіби алаң қалыптастырылады.

2026 жылғы экспоненттер қатарында Австралия, Беларусь, Бельгия, Германия, Дания, Египет, Үндістан, Италия, Қазақстан, Қытай, Латвия, БАӘ, Польша, Ресей, Словакия, АҚШ, Түрікменстан, Түркия, Украина, Өзбекстан, Франция, Чехия, Швейцария және Оңтүстік Кореяны қоса алғанда, әлемнің 24 елінен 400-ден астам компания болады. Ұлттық топтар Беларусь, Германия, Қытай, Ресей, Өзбекстан және Чехия компанияларымен ұсынылады. Сонымен қатар, көрмеге «Ресей экспорттық орталығы» Автономды коммерциялық емес ұйым, Ямал-Ненец автономиялық округінің «Сделано на Ямале» жобасы, «Мәскеу экспорттық орталығы» Автономды коммерциялық емес ұйым, сондай-ақ Рязань және Калуга облыстары компанияларының ұжымдық стендтері қатысады. Қатысушылар қатарында денсаулық сақтау жүйесіне арналған заманауи медициналық технологияларды, фармацевтикалық жабдықтарды, зертханалық шешімдерді, оптикалық өнімдерді, шығыс материалдарын және цифрлық сервистерді ұсынатын 110 Қазақстандық компания және 287 шетелдік компания бар.

Көрмелер аясында саланың негізгі даму бағыттарын қамтитын мазмұнды іскерлік бағдарламаға ерекше назар аударылады. Жұмыстың алғашқы күні — 20 мамырда Pharma Dialogue: Kazakhstan 2026 өтеді, онда сала сарапшылары елдің фармацевтикалық нарығының негізгі даму трендтерін талқылайды. Бағдарламаға «Фармацевтикалық нарық 2026: жүйенің тұрақтылығы, жергіліктендіру және реттеу модельдері» пленарлық сессиясы, «Қазақстанның фармацевтикалық нарығы 2026: ҚҚС, инвестициялар, экспорт және индустриялық инфрақұрылым» стратегиялық сессиясы және «Цифрлық фарма 2026: басқару, ашықтық және дәрі дәрмекпен қамтамасыз ету» стратегиялық сессиясы кіреді.

Осы күні сондай-ақ оңалту және қалпына келтіру медицинасы мәселелеріне арналған Rehab Kazakhstan 2026 өтеді. Іс-шара аясында «Реабилитация Қазақстанның денсаулық сақтау жүйесін дамытудың жаңа векторы ретінде» пленарлық сессиясы, «ХФЖ қағидаттарына сәйкес заманауи кешенді оңалту әдістері: жаттығулардан тәжірибелік тәсілдерге дейін» панельдік пікірталасы, сондай-ақ «Реабилитациядағы жабдықтар мен технологиялар: клиникалық тиімділік және емдеудің жаңа әдістері» кейс-сессиясы өтеді. Қосымша ретінде ALGIMED, Гемакор, БАУФАРМ, ЭндоЭкоМед, Yuwell, CITY PHARM, LABTECHNOLOGY, WELLGO Logistics Kazakhstan, LEORA, Endo Star және Электронтест компанияларының мамандандырылған семинарлары ұйымдастырылады.

21 мамыр күні көрме аясында мемлекеттік органдар, медициналық ұйымдар, бизнес және сарапшылар қауымдастығы өкілдерін біріктіретін II Қазақстанның денсаулық сақтау менеджерлерінің форумы өтеді. Форумның басты іс-шарасы «Денсаулық сақтау жүйесі 2026: мемлекеттің стратегиясы және басқарушылардың рөлі» стратегиялық пленарлық сессиясы болады. Бағдарламада сондай-ақ «Women in Healthcare: көшбасшылық, тұрақтылық және денсаулық сақтау жүйесінің болашағы» панельдік пікірталасы, «Денсаулық сақтауды басқарудағы жасанды интеллект пен деректер: деректер фабрикасына айналған ауруханадан цифрлық шешімдерге дейін» кейс-сессиясы және «Абай болыңыз: медициналық маркетинг! Этика, шекаралар және пациент жолы» пікірталас сессиясы жоспарланған. Сонымен қатар LABTECHNOLOGY, WELLGO Logistics Kazakhstan, LEORA және ENDO STAR компанияларының семинарлары өтеді. Сондай-ақ бірінші күн бағдарламасында Mediker және International SOS арасындағы стратегиялық серіктестік туралы келісімге қол қою рәсімі өтеді.

Іскерлік бағдарламаның жеке бағыты ретінде VisionCare 2026 платформасы аясында оптикалық индустрияны дамыту мәселелері талқыланады. Қатысушылар «Қазақстанның оптикалық нарығы 2026: саясат, экономика, клиникалық тәжірибе және жаңа технологиялар» пленарлық сессиясына қатысып, сондай-ақ Actual Optic компаниясының «27 жыл көшбасшылықта: бәсекелестер жоқ нишаны қалай қалыптастыруға болады» семинарын тамашалай алады. 22 мамырда іскерлік бағдарламаны Қазақ анестезиологтар және реаниматологтар қоғамы ұйымдастыратын «Қарқынды терапия және анестезиология: өзекті мәселелер мен инновациялық технологиялар» мамандандырылған сессиясы қорытындылайды. Талқылау аясында қарқынды терапияның заманауи тәсілдері, жаңа технологиялық шешімдер және анестезиология мен реаниматология саласындағы халықаралық тәжірибе ұсынылады. Сонымен қатар Электронтест компаниясының семинары өтеді.

2026 жылдың тағы бір маңызды жаңалығы — Алматы қаласы клиникалары қауымдастығымен, «ҚДСЖМ» Қазақстан медицина университетімен және 4Study.kz білім және дағдылар академиясымен бірлесіп медициналық оқу орындарының студенттеріне арналған Job Fair өтеді.

Алаң болашақ мамандардың жұмыс берушілермен және кәсіби қауымдастықпен өзара әрекеттесуіне қосымша мүмкіндіктер жасайды. Қатысушылар қатарында: Жамбыл облысы әкімдігі Денсаулық сақтау басқармасының «Жамбыл облыстық онкология және хирургия көпсалалы орталығы», «Облыстық психикалық денсаулық орталығы» ШЖҚ МКК, Қостанай облысының Денсаулық сақтау басқармасы, «ҚР ЕХӘҚМ Әлеуметтік қорғау саласын дамытудың ұлттық ғылыми орталығы» және Алматы облысынан 20 медициналық ұйым бар.

KIHE 2026, PharmaTECH Kazakhstan 2026 және VisionCare 2026 өткізілуі өңірдің медициналық және фармацевтикалық қауымдастығы үшін маңызды оқиғаға айналып, өндірушілерді, дистрибьюторларды, мемлекеттік құрылымдар өкілдерін, ғылыми қауымдастықты және тәжірибелік мамандарды өзекті сын-қатерлерді талқылау, инновацияларды көрсету және халықаралық ынтымақтастықты дамыту үшін бір кәсіби алаңда біріктіреді.

Көрмелер Қазақстан Республикасы Денсаулық сақтау министрлігі, Алматы қаласы әкімдігі, Алматы қаласы Қоғамдық денсаулық сақтау басқармасы, «СК-Фармация» ЖШС, ҚР халықаралық фармацевтикалық өндірушілер қауымдастығы, Алматы қаласы медициналық туризм қауымдастығы, Еуразиялық медициналық қауымдастық, ҚР фармацевтикалық қызметті қолдау және дамыту қауымдастығы, Қазақ анестезиологтар және реаниматологтар қоғамы, сондай-ақ Қазақ нейромодуляция қоғамының ресми қолдауымен өтеді.

Іскерлік бағдарламаның стратегиялық серіктестері: Қазақстан реабилитологтар және курортологтар қауымдастығы, Қазақстан денсаулық сақтау менеджерлері қауымдастығы, Qaz.AI жасанды интеллектті дамыту қауымдастығы, PERSONA Clinic, KMC Group, INTERNA Clinic

Бас медиа серіктес – 1MEDTV Kazakhstan телеарнасы

Rehab Kazakhstan конференциясының қола серіктесі – «Еуропалық медициналық орталық» АҚ

VisionCare көрмесінің фотозона серіктесі – LUCY көз клиникасы

Іс-шараның ұйымдастырушысы – Қазақстандық Iteca көрме компаниясы және оның халықаралық серіктесі ICA Events компаниялар тобы.