ДЕНСАУЛЫҚ САҚТАУ БОЙЫНША 17-ШІ ҚАЗАҚСТАНДЫҚ ХАЛЫҚАРАЛЫҚ ASTANA ZDOROVIE 2021 КӨРМЕСІ
Пандемия кезеңінде Қазақстанның денсаулық сақтау жүйесі бүкіл әлемдегі, соның ішінде Қазақстан аумағындағы күрделі эпидемиологиялық жағдайға байланысты жаңа сын-қатерлер мен міндеттерге тап болды. Әрине, кәсіби медициналық қоғамдастық ортасында талқылау және тәжірибе алмасу үшін көптеген тақырыптар жиналды.
Біздің серіктестеріміздің, қатысушылар мен келушілердің денсаулығына қамқорлық көрсете отырып, Iteca қазақстандық көрме компаниясы «Денсаулық сақтау» - KIHE 2021 Қазақстандық халықаралық көрмесін 2022 жылға ауыстыру туралы шешім қабылдады. Дегенмен, практикалық медицина үшін инновациялық өнімдерді ілгерілетудің жаңа мүмкіндіктері ауқымды түрде ұсынылатын бірыңғай ақпараттық және көрме кеңістігінде қажеттілік сақталды, медициналық техника мен жабдықтардың, дәрілік препараттардың жетекші өндірушілері, Денсаулық сақтау жүйесінде жұмыс істейтін кәсіпқойлар, мемлекеттік құрылымдар мен іскер топтардың өкілдері, сондай-ақ еліміздің барлық өңірлерінен кең медициналық жұртшылық тартылатын болады.
Мұндай алаң 27-29 қазан аралығында Нұр-Сұлтан қаласында өтетін 17-ші Қазақстандық Astana Zdorovie 2021 - халықаралық денсаулық сақтау көрмесі болмақ.
Astana Zdorovie республиканың солтүстік және орталық өңірлерінде медициналық, зертханалық жабдықтарды, шығыс материалдарын, дәрілік препараттарды, медициналық мақсаттағы тауарлар мен медициналық қызметтерді көрсетудің тиімді іскерлік алаңына айналады.
Astana Zdorovie 2021 көрмесі Қазақстанның өңірлерінен ғана емес, жақын және алыс шетелдерден де кең кәсіби аудиторияны қатысуға тартуға мүмкіндік береді, бұл пандемия кезеңінде медицина саласының инновациялары мен мүмкіндіктерін қолдану бойынша тәжірибе және практикалық кейстермен тиімді алмасуға ықпал етеді.
Биыл Astana Zdorovie 2021 көрмесінің қатысушыларын мазмұнды іскерлік бағдарлама, іскерлік кездесулер мен келіссөздер күтетін болады. Covid-19 пандемиясы және басқа да қауіптер жағдайында денсаулық сақтау жүйесінің жұмыс істеуін талқылау басты назарда болатыны анық. Пікірталастарға, семинарлар мен дөңгелек үстелдерге министрліктер мен ведомстволардың өкілдері, емдеу мекемелерінің басшылары, тәжірибелі дәрігерлер, ғалымдар мен технологтар қатысады.
Көрменің ұйымдастырушысы Iteca компаниясы болып табылады.
Astana Zdorovie көрмесі Қазақстан Республикасы Денсаулық сақтау министрлігінің, Нұр-Сұлтан қаласы әкімдігінің, Ресей Федерациясының Қазақстан Республикасындағы Сауда өкілдігінің, «Қазақстанның ФармМед индустриясы» Қазақстанның фармацевтикалық және медициналық өнімдерін өндірушілер қауымдастығының, Халықаралық фармацевтикалық өндірушілер қауымдастығының қолдауымен өткізіледі.
