ҚР ДЕНСАУЛЫҚ САҚТАУ МИНИСТРІ АЖАР ҒИНИЯТ АСТАНА ҚАЛАСЫНДА АШЫЛҒАН ASTANA ZDOROVIE ЖӘНЕ PHARMATECH KAZAKHSTAN КӨРМЕЛЕРІН ТАМАШАЛАДЫ
Бүгін «EXPO» ХКО-да «Денсаулық сақтау» - Astana Zdorovie 2022 және «Фармацевтикалық өнеркәсіпке арналған жабдықтар, шикізат және технологиялар» - PharmaTECH Kazakhstan 2022 Қазақстандық халықаралық көрмелері өз жұмысын бастады.
Көрмелердің ресми ашылу салтанатына ҚР Денсаулық сақтау министрі А.Ғиният, ҚР Денсаулық сақтау Вице-министрі В.Ю. Дудник, «СК-Фармация» ЖШС Басқарма төрағасы Е.С. Искалиев, Еуразиялық медициналық қауымдастықтың басқарма төрағасы Н.М. Петухова, ҚР фармацевтикалық қызметті қолдау және дамыту қауымдастығының президенті М.И. Дурманова, Қазақстан Республикасындағы Халықаралық фармацевтикалық өндірушілер қауымдастығының президенті В.Н. Локшин және Iteca қазақстандық көрме компаниясының директоры Б.А. Даниленко.
Ресми ашылудан кейін экспозиция қаралды, онда қатысушылар өз стендтерінде медициналық техника, зертханалық жабдық саласындағы жаңа дәрілік препараттарды, инновациялық шешімдерді ұсынды.
Биыл Беларусь, Венгрия, Қазақстан, Ресей және Түркиядан келген 63 компания экспо-алаңдардың қатысушылары болды, қатысушылардың 50% - ы алғаш рет стендпен өнер көрсетуде.
Astana Zdorovie 2022 көрмесіне қатысушылардың басым бөлігі - Ordamed, BTL Kazakhstan, Dolce, Oasis Group Distribution, QMP Qazmedpribor, Вива Фарм, Дос Ортопедия, Медикал-Сервис Қазақстан, МЕДРУГ сияқты ірі қазақстандық компаниялар. PharmaTECH Kazakhstan алғашқы фармацевтикалық көрмесіне Fresenius Kabi /Mpa Medical Partners, Registrarius, Viva Farm, Беларусь Ұлттық Ғылым Академиясының биоорганикалық химия институты, Қарағанды фармацевтикалық кешені, Медиана-Сүзгі, Эйкос-Фарм, Экзон және басқалар қатысады.
Көрмелердің ашылуымен бірге бүгін QBP, Silk Way Development Fund ұйымдастырған, ҚР Үкіметінің, ҚР Денсаулық сақтау министрлігінің және "СК-Фармация" ЖШС қолдауымен "Global Pharm" II Халықаралық фармацевтикалық форумы өз жұмысын бастады. Форумға ДДҰ, ЮНИСЕФ, Қоғамдық медициналық ұйымдар мен қауымдастықтардың, Халықаралық фармацевтикалық компаниялардың, ҚР және ТМД-ның басқа да елдерінің танымал фармацевтикалық кәсіпорындарының өкілдері қатысты.
Форумға қатысушыларға арнаған сөзінде ҚР Денсаулық сақтау министрі Ажар Ғиният атап өтті: «Бүгінде Қазақстан Республикасында денсаулық сақтауды дамытудың «Салауатты ұлт» ұлттық бағдарламасы жүзеге асырылуда, ол басты мақсатты индикатор - өмір сүру ұзақтығының деңгейін көздейді. Astana Zdorovie 2022 көрмесі саланың барлық қатысушылары үшін таяу болашақта денсаулық сақтау жүйесінің алдында тұрған ағымдағы сын-қатерлерді, саланы алдағы уақытта қандай жаһандық өзгерістер күтіп тұрғанын талқылауға қосымша мүмкіндіктер ашатыны сөзсіз».
Сондай-ақ Министр бүгінгі таңда фармацевтика саласының динамикасына әсер ететін бұрын-соңды болмаған өзгерістердің маңыздылығын және әлемдік фармацевтика саласының негізгі трендтеріне тезірек бейімделу қажеттілігін атап өтті. Бұған дейін Мемлекет басшысы Қ.-Ж. Тоқаев жаһандық фармакорпорациялармен ынтымақтастықты жандандыруды және технологиялар мен жаңа әзірлемелердің трансфертін қамтамасыз етуді, сондай-ақ отандық өндірістегі дәрілік заттар мен медициналық бұйымдардың үлесін 2025 жылы 17% - дан 50% - ға дейін жеткізуді тапсырған болатын. Осы міндеттерді шешу үшін Қазақстан Республикасының Үкіметі фармацевтика өнеркәсібін дамытудың 2025 жылға дейінгі Кешенді жоспарын бекітті, отандық фармацевтика өнеркәсібін дамыту бағыттарының бірі болып табылатын 2021-2025 жылдарға арналған «Салауатты ұлт» ұлттық жобасын қабылдады.
Министр қазіргі уақытта отандық өндірістегі дәрілік заттар экспортының үлесі 100 - ге жуық дәрі-дәрмек позициясын құрайтынын және 2025 жылға қарай таяу шет елдерге, ЕАЭО-ға және алыс шет елдерге 500 позицияға дейін дәрі-дәрмек экспортының үлесін ұлғайту ұсынылып отырғанын хабарлады. Бұдан әрі А. Ғиният фармацевтикалық салаға шетелдік инвестицияларды тартудың негізгі перспективалық бағыттары туралы айтып берді, олар бойынша нәтижелер қазірдің өзінде көрініп тұр. Форумның қорытынды тақырыптық сессиясы "Digital Healthcare" тақырыбына арналды.
Сондай ақ көрменің іскерлік бағдарламасының мазмұнына 103.kz компаниясының семинары кірді, оның тақырыбы дәрі-дәрмектер мен диеталық қоспаларды ілгерілету үшін digital-құралдарды қолдану болды. «LONGEST REHAB SCHOOL» компаниясының семинары мен шеберлік сыныбы көрермендердің үлкен қызығушылығын тудырды. Мастер-класс тірек-қимыл аппараты ауруларын емдеуде және оңалтуда соққы толқыны терапиясы мен лазерлік терапияға арналды, ал семинардың сарапшы спикерлері «Тірек-қимыл аппараты аурулары бар науқастарды диагностикалау мен емдеуге заманауи тәсіл» тақырыбын ашты.
Көрмелер тағы екі күнге жалғасады, ертең «MedTech» медициналық техника бойынша II Халықаралық форум, сондай - ақ MedStandard және «Longest Rehab School» көрме-компанияларының экспоненттерінің семинарлары өтеді.
Көрмелерді ұйымдастырушылар Iteca Қазақстандық көрме компаниясы және оның халықаралық серіктесі - Ica Eurasia Компаниялар тобы.
Astana Zdorovie 2022 және PharmaTECH Kazakhstan 2022 көрмелерінде Медициналық және фармацевтикалық сала мамандарын 28 қазанға дейін күтеміз!
www.astanazdorovie.kz
www.pharmatechexpo.kz
